Դուբայի դատարաններից մեկում արտասովոր ապահարզանի դատավարություն է ընթանում: Կինը ցանկանում է ամուսնալուծվել, քանի որ գոհ չէ սեռական կյանքից:
Դատարանում նա բացատրել է, որ ամբողջությամբ բավարարվելու համար իրեն օրական երկու, երբեմն նաեւ երեք անգամ սեռական մերձեցում է հարկավոր, սակայն իր ամուսինը ոչ մի կերպ չի կարողանում դա ապահովել:
Դատաքննության շրջանակում տղամարդը ստիպված է եղել բժշկական հետազոտություն անցնել, որը ցույց է տվել, որ նա միագամայն առողջ է եւ կարող է բավարարել կնոջն ու երեխաներ ունենալ:
Ըստ Informing-ի, կինը, սակայն, չի հանդարտվում: Նա դատարանից պահանջում է կա՛մ ազդել ամուսնու վրա, կա՛մ ապահարզան տալ: Ի դեպ, նա հրաժարվել է բուժզննություն անցնել՝ սեռական բնույթի որեւէ շեղում բացահայտելու համար:
Ապահարզանի գործի քննությունը շարունակվում է, քանի որ դատավորները չեն կարողանում վճիռ կայացնել: Հայտնի է, որ շարիաթի կանոնների համաձայն, ապահարզանի համար հարգելի պատճառ կարող է համարվել ամուսնու ֆիզիկական եւ հոգեկան որեւէ հիվանդությունը, անպտղությունը, կնոջ հանդեպ վատ վերաբերմունքը: